Aktivitete BE Archives - Bashkia Himarë

Drejt standardeve të BE-së 🇪🇺🇦🇱

Ematina Husi — Tue, 31 Mar 2026 16:30:05 +0000

Në vijim të procesit të integrimit evropian, njësia e Integrimit Evropian në Drejtorinë e Integrimit Evropian dhe Projekteve me Donatorët, morën pjesë në aktivitetin e organizuar nga Agjencia për Mbështetjen e Vetëqeverisjes Vendore (AMVV), në bashkëpunim me Projektin EU4GoodGovernance (BE për Qeverisjen e Mirë).

Në këtë takim, ku ishin të pranishme 15 bashki të qarkut Vlorë dhe Gjirokastër, fokusi kryesor ishte:
* Udhërrëfyesi për Dialog
* Konsultimet
* Koordinimi me Partnerët

Ky bashkëpunim na ndihmon të qartësojmë detyrimet dhe hapat konkretë që duhen ndjekur në rrugëtimin drejt standardeve europiane.

The post Drejt standardeve të BE-së 🇪🇺🇦🇱 appeared first on Bashkia Himarë.

Shkëmbim Përvoje Himarë – Përmet për Forcimin e Kapaciteteve në Programe dhe Integrim Europian

Kostaq Dhima — Wed, 18 Feb 2026 08:42:31 +0000

Shkëmbim përvoje mes Bashkisë Himarë dhe Bashkisë Përmet për forcimin e kapaciteteve në projekte dhe integrimin europian

Bashkia Himarë zhvilloi një vizitë shkëmbimi përvoje në Bashkinë Përmet, një aktivitet i iniciuar me qëllim forcimin e bashkëpunimit ndërinstitucional dhe ndarjen e praktikave më të mira në fushën e projekteve dhe integrimit europian.

Vizita nisi me një takim miqësor me Kryetaren e Bashkisë Përmet, znj. Alma Hoxha, ku diskutimi u përqendrua jo vetëm në shkëmbimin e përvojave profesionale mes drejtorive homologe, por edhe në vizionin e bashkëpunimit afatgjatë dhe ndërtimin e lidhjeve njerëzore e profesionale për një impakt më të qëndrueshëm në zhvillimin lokal.

Gjatë takimeve të punës ndërmjet Drejtorive të Projekteve dhe Integrimit Europian, si dhe Drejtorisë së Financës, u trajtuan çështje të përditshme të menaxhimit të projekteve, sfida praktike dhe mekanizma zgjidhjeje që Bashkia Përmet ka zhvilluar gjatë përvojës së saj. U konsultuan procedura tipike të dosjeve dhe modele pune që kontribuojnë në rritjen e efikasitetit administrativ dhe financiar.

Si pjesë e aktivitetit, u realizuan vizita në disa prej vendeve ku janë zbatuar projekte të suksesshme nga Bashkia Përmet, duke parë nga afër rezultatet konkrete dhe ndikimin në komunitet. Aktiviteti u përmbyll me vizita tek operatorë lokalë, çka ofroi një përvojë të veçantë autentike të mikpritjes përmetase.

Bashkia Himarë mbetet e angazhuar për të forcuar kapacitetet institucionale përmes bashkëpunimit dhe shkëmbimit të praktikave më të mira, me synimin për të rritur cilësinë e projekteve dhe për të sjellë rezultate konkrete për qytetarët.

The post Shkëmbim Përvoje Himarë – Përmet për Forcimin e Kapaciteteve në Programe dhe Integrim Europian appeared first on Bashkia Himarë.

Trajnimi për programet Horizon Europe dhe Creative Europe përmes GIZ dhe Germin

Kostaq Dhima — Wed, 18 Feb 2026 08:21:48 +0000

Bashkia Himarë mori pjesë në një trajnim intensiv 3-ditor të organizuar në Tiranë nga GIZ dhe GERMIN, përmes pjesëmarrjes së drejtorisë së integrimit europian dhe projekteve. Trajnimi ishte i fokusuar në programet Horizon Europe dhe Creative Europe, me qëllim pjesëmarrjen cilësore në këto programe specifike dhe në ndërtimin e partneriteteve të qëndrueshme ndërkombëtare.

Trajnimi bashkoi përfaqësues nga institucione publike dhe organizata të ndryshme, të cilët punuan së bashku në një format interaktiv, duke kombinuar njohuritë teorike me ushtrime praktike për krijimin e ideve të projekteve dhe ndërtimin e partneriteteve efektive. Ekspertët ndanë praktika konkrete mbi strukturimin e propozimeve konkurruese dhe elementët kyç që rrisin shanset për sukses në thirrjet europiane.

Për Bashkinë Himarë, pjesëmarrja në aktivitete të tilla është një hap i rëndësishëm drejt forcimit të kapaciteteve institucionale dhe zgjerimit të rrjeteve të bashkëpunimit ndërkombëtar. Partneritetet e forta dhe qasja strategjike ndaj programeve të BE-së janë thelbësore për të sjellë projekte cilësore që kontribuojnë në zhvillimin e qëndrueshëm të territorit dhe komunitetit lokal.

The post Trajnimi për programet Horizon Europe dhe Creative Europe përmes GIZ dhe Germin appeared first on Bashkia Himarë.